竞争力第几都好最紧要转化成幸福指数

　　粤讲越有料

　　主持人：邓柱峰

　　佛山旧年地级市竞争力“冧庄”，继续保持第一！呢个系上个星期佛山一个好令人振奋嘅消息。印象中，佛山呢几年嘅竞争力势头好劲，已经咗好几次地级市第一，而且仲有一年杀入北上广深等大城市嘅队列。媒体报道话，佛山呢次称王，再度压住苏州呢个老对手。

　　“2012年城市竞争力蓝皮书发布会在北京举行，由中国社会科学院专家牵头的《2012年中国城市竞争力蓝皮书：中国城市竞争力报告》正式发布，佛山市位列地级市榜首，排在第二、第三的分别是苏州和无锡。广东省社会科学院科研处处长丁力认为，佛山胜在强大的传统产业、民营经济以及几年前就提出的转型升级战略实施较好。”

　　虽然佛山今次系排第一，但未必代表佛山就真系样样都好过人。从上面嘅内容嚟睇，佛山赢喺经济硬实力，但系城市嘅软实力呢？去过苏州、无锡嘅人都会觉得，喺城市环境、人文氛围，甚至居民幸福感方面都比佛山好。老百姓未必会在乎一D表面数据嘅得失，反而实实在在嘅幸福指数会更加得民心。

　　依家，佛山正喺度进行紧三年城市升级计划，证明佛山已经意识到城市软实力嘅重要性，希望呢个系统工程能够实实在在咁俾大家带嚟发自内心嘅赞许，而唔系单纯一个好睇嘅数字。